Til sölu allir eignarhlutir í einkahlutafélaginu Steðja ehf. kt. 650897-2859, sem á og rekur vélsmiðju, stálsmíði og viðgerðarverkstæði í eigin húsnæði að Ægisbraut 15 og 17 á Akranesi.  Félagið er stofnað árið 1997 og hefur verið í eigu sömu aðila alla tíð, í góðum og vaxandi rekstri og er í dag eina vélsmiðjan sem veitir almenna viðgerða- og stálsmíðaþjónustu á Akranesi.  Sex stöðugildi eru hjá fyrirtækinu, en félagið hefur ekki annað öllum þeim verkefnum sem í boði hafa verið á liðnum misserum og árum, svo mikil tækifæri felast í að auka umsvifin enn frekar.

Félagið á fasteignirnar að Ægisbraut 15 og 17 á Akranesi og fylgja þær með í kaupunum, svo og allt lausafé, tæki og búnaður sem tilheyrir vélsmiðjunni sjá nánar véla- og tækjalista sem fyrir liggur.  Engar skuldir hvíla á félaginu eða eignum þess, né hinum seldu hlutum.

Ágæt afkoma hefur verið af rekstri félagsins á liðnum árum, fyrir og eftir skatta sem hér segir:
Árið 2022 kr. 31.036.716 en kr. 24.825.613 eftir skatta.
Árið 2021 kr. 19.926.382 en kr. 15.937.446 eftir skatta.
Árið 2020 kr. 11.569.137 en kr. 9.252.137 eftir skatta.
Árið 2019 kr. 8.047.279 en kr. 6.455.9221 eftir skatta.

Húseignirnar að Ægisbraut eru annars vegar 351,1 fm. iðnaðarhús, byggt árið 2000 úr Stáli.  Fullbúin vélmiðja með stórum innakstursdyrum, öflugum krana/hlaupaketti og tilheyrandi þjónusturýmum á 1167,3 fm. lóð.  Hins vegar 138,3 fm. Iðnaðarhús, byggt árið 1975 úr steinsteypu, fullbúið tvískipt iðnaðarhúsnæði með innkeyrsluhurð á 756,0 fm. lóð.  Samtals eru húsin því 489,4 fm. á samtals. 1.923.3 fm. lóðum.

Húseignirnar standa við sjóinn á svæði sem nú er skilgreint sem íbúðabyggð skv. aðalskipulagi Akraness.  Í því felast einnig mikil tækifæri til nánustu framtíðar, en fullyrða má að óvíða á Akranesi er sjávarsýn glæsilegri til vesturs og norðurs og sólarlagið með Snæfellsjökul í forgrunni jafn óviðjafnanlegt og hér um ræðir.

Hér er á ferðinni frábært tækifæri til að eignast rótgróið og traust fyrirtæki í fullum rekstri og með góða afkomu.  Þá liggja einnig mikil tækifæri í stöðu skipulagsmála á svæðinu, en stefnt er að uppbyggingu íbúðarhúsnæðis á svæðinu skv. nýlegu aðalskipulagi Akraness 2021-2033 sem var staðfest 27.12.2022 og auglýst í Stjórnartíðindum 04.01.2023.

Allar nánari upplýsingar veitir Björn Þorri Viktorsson hrl. og lgf., [email protected] eða í síma 894-7070.