Miðborg fasteignasala kynnir bjarta og fallega 2ja herbergja íbúð í reisulegu húsi á þessum vinsæla stað í vesturbæ Reykjavíkur.

Björt og vel skipulögð íbúð með stórum gluggum á neðstu hæð í litlu fjölbýli.

Nánari lýsing:
Komið er inn í anddyri/gang og þaðan gengið í aðrar vistarverur íbúðarinnar. Eldhús er á vinstri hönd, með stórum gluggum, góðri innréttingu úr Palisander og borðkrók. Baðherbergi er jafnframt á vinstri hönd, flísalagt með góðum glugga, baðkari og tengjum fyrir þvottavél/þurrkara. Svefnherbergi er rúmgott með stórum fataskáp. Stofa er á hægri hönd af gangi, stór og björt með góðum gluggum.

Sameign hússins er öll hin snyrtilegasta. Garður er gróðri vaxinn og fallegur. 

Húsið ber með sér að hafa fengið gott viðhald. M.a. voru gluggar nýlega yfirfarnir og málaðir. 

Íbúðin er frábærlega staðsett í næsta nágrenni við Vesturbæjarlaugina og allt það sem Vesturbærinn hefur upp á að bjóða. 

Allar nánari upplýsingar veitir Þórir Helgi Sigvaldason, lögmaður og fasteignasali, í síma 823-7170 eða [email protected].